Првиот конгрес за диференцијални равенки, математичка анализа и примени, КОДЕМА, се одржа од 30 октомври до 1 ноември 2020 година, во организација на Сојузот на математичари АРМАГАНКА од Скопје, Република Северна Македонија. Поради корона вирусот конгресот се одржа онлајн. Во Организацискиот комитет на конгресот е и проф. д-р Самоил Малчески, професор на група предмети на Меѓународен Славјански Универзитет „Г. Р. Державин“.

Настанот беше поддржан од Меѓународен Славјански Универзитет „Г. Р. Державин“, Природно-математички факултет – Скопје, Градежен факултет – Скопје и Технолошко-металуршки факултет – Скопје.