На 28 март 2023 делегација од Меѓународен Славјански Универзитет го посети Чандигар Универзитетот, еден од најдобро рангираните приватни универзитети во Индија, и оствари средба со д-р Раџан Шарма, директор за меѓународни односи. На средбата присуствуваа м-р Михаела Ѓорчева и Иван Спасев, членови на Управен одбор при Меѓународен Славјански Универзитет и вработените од Канцеларијата за меѓународни односи при Чандигар Универзитетот.

На средбата се разговараше за продлабочување на соработката помеѓу двата универзитети на повеќе полиња, како и датумот за почеток на студентски размени помеѓу двата универзитети. Дополнително се дискутираше и учеството на Меѓународен Славјански Универзитет на Глобалниот самит за образование кој секоја година е организиран од Чандигар Универзитетот.

Меѓународен Славјански Универзитет и Чандигар Универзитетот соработуваат од 2021 година и тој е рангиран како најдобар приватен универзитет во Пенџаб (сојузна држава во северозападна Индија), односно второрангиран во цела Индија.

На современиот кампус кој се простира на повеќе од 100 хектари во моментов студираат околу 75.000 студенти на повеќе од 200 студиски програми. Во рамки на посетата беа остварени средби и со вработените од Канцеларијата за меѓународни односи на Чандигар Универзитетот.

Денес во Чандигар Универзитетот беа остварени контакти и со Dhurakij Pundit University, еден од најголемите приватни универзитети од Бангкок, Тајланд, а истовремено гостуваше и делегација од Western Sydney University од Австралија, кој е рангиран во најдобрите 250 во светот.