Зошто да студирате економија и менаџмент
Една стара, мудра изрека вели:
„Човекот минатото не може да го промени, но затоа иднината секогаш е во негови раце“.
Затоа, во време кога човек треба да донесе една од најзначајните одлуки во својот живот, а тоа е која професија да ја одбере, треба да се направи мудар избор. Станете господари на своето образование и добро проценете ги приликите кои ви се нудат.
Додипломски студии
Економија – ова е науката за која во текот на поновата историја постоел најголем интерес. Економијата е насекаде, навлезена е длабоко во нашите животи, присутна е во нашите лични одлуки, дури и во оние секојдневните кои неретко изгледаат толку банално, како одлуката како да го потрошиме нашето време, нашите пари или пак каде да живееме.
Предметите од областа на менаџментот ќе Ви помогнат да разберете како луѓето се однесуваат во организациите, како да се справувате со кризни ситуации во компанијата, како да планирате и да го развивате бизнисот.
Предметите опфаќаат повеќе области и ќе Ви помогнат да се подготвите за вашето идно работно место, без разлика дали ќе менаџирате со определен сектор во компанија, Ваш приватен бизнис, владини и невладини организации… Менаџментот ќе Ви ги даде сите потребни алатки за успех.
Економијата значи донесување информирани одлуки
Економијата овозможува да ги разбереме причините за појавата на големите светски економски кризи, факторите кои придонесуваат за невработеност и инфлација, функционирањето на берзите, како и зошто некои земји се соочуваат со сиромаштија додека други постигнуваат огромен успех.
Економијата е нашата сегашност и нашата иднина, и разбирањето на нејзините принципи ни помага да донесуваме информирани одлуки и да градиме посветла иднина.
Изучувањето на економијата и менаџментот не само што ни ги проширува хоризонтите, но истовремено ни овозможува да станеме поефикасни лидери и иноватори во нашиот личен и професионален живот.
Со стекнување на знаења и вештини во овие области, се подготвуваме да се справуваме со предизвиците на модерниот свет и да ги искористиме можностите што ги нуди глобалната економија. Нашиот факултет Ви обезбедува средина во која можете да го развиете својот потенцијал и да постигнете успех на различни полиња.
Доколку сте креативни и мотивирани припаѓате овде
Менаџментот и економијата се тесно поврзани со креативноста и иновациите, па така ние ги инспирираме нашите студенти да размислуваат на нови начини. Нашите програми се дизајнирани да ги поттикнат студентите да ја користат својата креативност за решавање на реални проблеми и за развивање на иновативни решенија во бизнисот и економијата.
Она што секој работодавач најмногу го цени е мотивација, интелигенција и способност за решавање проблеми. Дипломата од Факултетот за економија и организација на претприемништво е потврда дека ги имате сите тие квалитети. Нашите студенти се подготвени да се соочат со предизвиците на пазарот на трудот и да ги искористат можностите што ги нуди глобалната економија.
Последипломски студии
Дополнителни активности за градење добра кариера
Нашиот факултет често организира и конференции, како и бесплатни работилници и дополнителни предавања кои ќе Ви помогнат да ги надополните Вашите знаења, да развивате специфични вештини, да се дружите со Вашите колеги и да се усовршувате. Следете ги нашите настани на социјалните мрежи за да не испуштите ништо!
Каде би работеле?
Менаџерите и економистите се потребни во секоја фирма, без исклучок. Најчести работни позиции кои ги добиваат нашите студенти се во банки, во приватни фирми, сметководствени бироа. За дипломираните студенти и магистрите од Факултетот за економија исто така има место во одделенијата за човечки ресурси, маркетинг секторите итн.
Нашите студенти со претприемачки дух веќе имаат започнато и сопствени бизниси. Можеби треба да размислите и во таа насока. Сè што ви треба е идеја и добар бизнис план.
Главната задача останува на вас. Размислете за академските и професионалните цели кои сакате да ги постигнете, редовно следете ги предавањата и планирајте.
Искористете го Вашиот максимален потенцијал
Познатиот француски економист Фредерик Бастја рекол:
„Лошите економисти се ограничуваат на видливи ефекти, а добрите ги земаат в предвид, покрај видливите, и ефектите кои треба да се предвидат”.
Затоа, предвидете ги ефектите од вашето студирање на Факултетот за економија и организација на претприемништвото, бидете дел од групата на добрите економисти. Богатството, односно капиталот, е психолошки феномен. Во тој случај, што друго е капиталот – ако не ум?! Затоа, искористете ја моќта на умот и бидете успешни!