И годинава Меѓународен Славјански Универзитет „Г. Р. Державин“ и Киноверзум беа дел од Филозофскиот филмски фестивал. Во периодот од 11 до 20 јуни 2021 во Киноверзум беа прикажани 10 филмови од фестивалот.

ФФФ во Киноверзум претстави ретроспектива на филмови од режисерот Андреј Тарковски, а програмата беше отворена со неговиот студентски филм „Убијци“. Програмата на фестивалот во Киноверзум беше организирана во соработка со Амбасадата на Руската Федерација во Република Северна Македонија, Амбасадата на Италија, Амбасадата на Шведска и Кинотека на Северна Македонија.

Проекциите беа бесплатни и се одржаа во следниве термини:

• 11.06 – 16:30 часот – Убијци
• 11.06 – 17:00 часот – Нема да има отпуштање денес
• 11.06 – 18:00 часот – Парното тркало и виолината
• 12.06 – 17:30 часот – Ивановото детство
• 13.06 – 15:00 часот – Андреј Рубљов
• 15.06 – 16:00 часот – Соларис
• 16.06 – 18.00 часот – Огледало
• 18.06 – 17:00 часот – Сталкер
• 19.06 – 17:00 часот – Носталгија
• 20.06 – 16:00 часот – Жртвопринесување

Филозофскиот Филмски Фестивал (ФФФ) е единствениот филмски фестивал во Република Северна Македонија и регионот што се одвива на крстопатот помеѓу филозофијата и филмот, и еден од ретките во светот коишто работат во областа на филм-философијата.

Од една страна, Фестивалот се обидува да ја промовира идејата за филмот како медиум којшто може да испровоцира филозофска размисла и/или да илустрира филозофски концепти и идеи, на овој начин обраќајќи ѝ се на генералната публика, но и на младите во Република Северна Македонија поттикнувајќи го развивањето на креативната и критичка мисла.

Од друга страна, се обидува да поттикне естетички анализи и истражувања на филмскиот јазик како форма sui generis и да ги охрабри младите режисери и филмски работници во Република Северна Македонија на рефлексија врз клучните филозофски прашања и концепти со цел градење, развивање и негување на своите автентични филмски светогледи.