Во свечената атмосфера на Офицерскиот дом во Битола, на 26 мај Меѓународен Славјански Универзитет ја одржа традиционалната свеченост за врачување дипломи на дипломираните студенти.
Честитки до сите дипломирани студенти и искрена благодарност до нивните семејства, пријатели, како и до нашите професори и соработници кои беа дел од овој свечен настан.
На свеченоста се обрати проректорката за настава и наука на Меѓународен Славјански Универзитет, проф. д-р Горица Поповска Налевска, која ги врачи дипломите на новата генерација магистри.
Со свои обраќања настанот го збогатија и:

• проф. д-р Слаѓана Ангелкоска, декан на Факултетот за психологија
• доц. д-р Елена Стојанова Златева, продекан на Факултетот за правни науки
• проф. д-р Јулијана Силјаноска, продекан на Факултетот за економија и организација на претприемништво

Како што е традиција, свеченоста заврши со фрлање на капите и заедничка фотографија во дворот на Офицерскиот дом – симболичен чин на завршување на едно академско патување и почеток на нови професионални и животни предизвици.