Во изминатите три дена граѓаните имаа можност да го посетат нашиот Новогодишниот фестивал и базар кој се одржа во дворот и во просториите на Меѓународен Славјански Универзитет „Г. Р. Державин“, Киноверзум и ресторан „Златна Москва“. На базарот околу 20 креативци ги изложија своите рачни изработки.

На третата вечер од Новогодишниот фестивал и базар во Св. Николе гостуваше и внуката на Дедо Мраз – Снегурочка. Во Русија Снегурочка е позната како посредник помеѓу Дедо Мраз и децата и таа му помага да ги раздели подароците. Исто така, базарот го посетија и членовите на Мото клуб Свети Николе МЦЦ во рамки на нивниот настан Дедо Мраз на мотор.

Во пресрет на Новогодишните празници, посетителите можат да одберат уникатен подарок за своите најблиски, како и да го посетат нашето кино и да ги гледаат најновите филмски хитови, да се засладат со шеќерна волна и да се згреат со варено вино.

Базарот започна на 23 декември и се одржуваше до 25 декември.