Меѓународен Славјански Универзитет и Стопанска банка АД Скопје потпишаа договор за реализација на студентска пракса, со кој се создаваат нови можности за практична едукација и професионален развој на студентите.

Договорот го потпишаа д-р Јордан Ѓорчев, претседател на Управниот одбор на Меѓународен Славјански Универзитет и Анета Пејова, раководител на филијалата на Стопанска банка АД Скопје во Свети Николе.

Со оваа соработка, студентите на Меѓународен Славјански Универзитет ќе имаат можност да стекнат практични знаења, реално работно искуство и професионални вештини преку директно вклучување во активностите на банкарскиот сектор.

Практичната настава ќе се реализира во согласност со потребите на наставно-научниот процес, овозможувајќи им на студентите да ги применат стекнатите теоретски знаења во реална работна средина. Истовремено, ваквиот вид практична обука ќе придонесе за нивна поголема подготвеност за пазарот на трудот, зголемување на конкурентноста и создавање подобри можности за идно вработување.

Меѓународен Славјански Универзитет континуирано работи на воспоставување партнерства со реномирани компании и институции, со цел да им овозможи на своите студенти квалитетно образование надополнето со практично искуство. Поврзувањето на академското образование со реалниот сектор претставува значаен чекор во подготовката на идни стручни и компетентни професионалци.