Меѓународен Славјански Универзитет во Свети Николе беше домаќин на Неговата Екселенција, Мартин Памер, амбасадор на Република Австрија во Северна Македонија.

На средбата присуствуваа проф. д-р Јордан Ѓорчев, претседател на Управниот одбор на Меѓународен Славјански Универзитет, м-р Михаела Ѓорчева, заменик претседател на Управниот одбор и Мартин Ѓорѓиев, генерален секретар на Универзитетот.

Во текот на средбата се разговараше за повеќе теми од заеднички интерес, со акцент на можностите за унапредување на академската, образовната и културната соработка, како и за идни заеднички иницијативи меѓу Универзитетот и институциите на Република Австрија.

Посебно внимание на средбата беше посветено на списанието „Балканиум“, издание на Институтот за култура и уметност при Меѓународен Славјански Универзитет.

На Неговата Екселенција Мартин Памер му беа претставени концептот, содржината и значењето на публикацијата, која што претставува платформа за афирмација на академската мисла, научните истражувања и културното наследство на Балканот.

Посетата претставуваше уште една потврда за заложбата на Меѓународен Славјански Универзитет за градење и јакнење на меѓународните партнерства, преку развој на академска дипломатија, меѓуинституционална соработка и размена на знаења и искуства.

Меѓународен Славјански Универзитет изразува благодарност до Неговата Екселенција, Мартин Памер, за посетата, конструктивниот разговор и подготвеноста за понатамошна соработка, со уверување дека оваа средба ќе придонесе за реализација на нови заеднички активности во иднина.