На 10 мај 2022 година (вторник) во просториите на Ликовен Салон, Велес се одржа промоција на книгите „Сизифе смени го врвот“ и „Доаѓа зима“ од Димитар И. Вилазорски. Двете книги се издадени од страна на издавачката куќа Меѓународен центар за славјанска просвета, официјалната издавачка куќа на Меѓународен Славјански Универзитет.

Промотори на книгите беа проф. д-р Јордан Ѓорчев, претседател на Управен одбор на МСУ и писателот Љупчо Силјановски.

За сатиричната проза „Доаѓа зима“ напишани се две рецензии од страна на црногорскиот писател Бојан Рајевиќ и од српската писателка и професорка Мирјана Ѓапо. Тие беа прочитани од велешкиот актер Жарко Спасовски. Исто така, беше прочитан дел од книгата од страна на актерот Јордан Витанов.

Авторот Вилазорски го покани и својот колега, афористичарот Атанас Крлевски, заедно да прочитаат дел од афоризмите.