Свечената церемонија за врачување на дипломите за студентите кои дипломирале во Свети Николе ќе се одржи на 24 мај 2024 година со почеток од 12:00 часот.

Настанот ќе се одржи во Mayberry Highway – Свети Николе, на улица Ванчо Ангелов бр. 22. Во кругот на Mayberry Highway можете да влезете директно од автопатот Миладиновци – Штип.

Дипломите ќе им бидат врачени на студентите кои дипломирале во периодот од 24 мај 2023 до 23 мај 2024.

На студентите на кои треба да им биде врачена диплома им препорачуваме да пристигнат еден или два часа пред почетокот на церемонијата, со цел комплетирање на документацијата.

Пред церемонијата на сите студенти ќе им бидат доделени и свечени тоги од универзитетот. Изнајмувањето на тогите е бесплатно.

На свеченоста се добредојдени и роднините и пријателите на дипломираните студенти, како и останатите заинтересирани граѓани.