Меѓународен Славјански Универзитет, преку своето кино Киноверзум, деновиве беше дел од CinemaCon во Лас Вегас – најголемиот и највлијателен светски настан посветен на кино индустријата. Присуството на овој престижен собир претставува уште една потврда за посветеноста на Универзитетот кон современи стандарди, технолошки развој и следење на глобалните трендови во аудиовизуелната индустрија.

CinemaCon секоја година ги обединува водечките филмски студија, сопствениците на кино сали и најреномираните компании за производство на кино опрема. Настанот е препознатлив како централно место каде ексклузивно се претставуваат најновите филмски премиери, идните насоки на индустријата, како и најиновативните технолошки решенија што го обликуваат искуството на модерната публика.

Во име на Киноверзум, на настанот присуствуваа Михаела Ѓорчева, заменик претседател на управен одбор, и Иван Спасев, член на управен одбор, како гости на белгиската компанија Barco – светски лидер во кино проекциска технологија, чии проектори се користат во сите кино сали на Киноверзум.

Ова учество претставува значаен чекор во натамошното јакнење на позицијата на Меѓународен Славјански Универзитет како институција која инвестира во квалитет, современи решенија и врвно искуство за својата публика и академска заедница.

Со активно присуство на најрелевантните светски настани, Меѓународен Славјански Универзитет продолжува да гради мостови со меѓународни партнери и да создава нови можности за развој, иновации и лидерство.