Меѓународен Славјански Универзитет по четврти пат активно учествува на еден од највлијателните глобални собири за млади лидери, иноватори и претприемачи – Forbes Under 30 Summit, кој оваа година се одржува во Феникс, Аризона, САД.

Присуството на Меѓународен Славјански Универзитет на ваков престижен настан претставува уште една потврда за неговата посветеност кон современо образование, глобална поврзаност и следење на светските трендови во бизнисот и лидерството. Универзитетот на самитот го претставуваат Михаела Ѓорчева, заменик претседател на управен одбор и дел од листата Forbes Under 30 Europe 2022, како и Иван Спасев, член на управен одбор.

Овогодинешното издание на самитот собра врвни имиња од различни индустрии, меѓу кои и Мајкл Фелпс, олимписки шампион и спортска икона, Двејн Вејд, легенда на НБА, Ешли Грем, светски познат модел и активистка, како и градоначалничката на Феникс. Настанот беше збогатен и со приватен концерт на Дон Толивер.

За Меѓународен Славјански Универзитет, учеството на Forbes Under 30 Summit значи директен пристап до најновите идеи, трендови и перспективи што ја обликуваат иднината на глобалната економија и претприемништвото. Оваа меѓународна вклученост овозможува Универзитетот постојано да ги унапредува своите студиски програми и да ги усогласува со актуелните потреби на бизнис заедницата и новата генерација лидери.

Со секое ново присуство на вакви глобални платформи, Меѓународен Славјански Универзитет ја зацврстува својата позиција како институција што не ги следи промените – туку активно се подготвува да ги предводи.