Проф. д-р Марија Гроздановска, проректор за меѓународна соработка и развој при Меѓународен Славјански Универзитет деновиве престојува на Еразмус+ мобилност на Автономниот универзитет во Мадрид, кој е наш партнерски универзитет.

Во рамки на својата академска посета на еден од најреномирамните Правни факултети во Шпанија, таа одржа предавање за студентите од прв и втор циклус на тема „Спогодувањето во кривичното право“.

Покрај тоа, беше реализиран и стручен семинар со професори од областа на процесното право, при што проф. д-р Гроздановска ги запозна присутните со забрзаните постапки во Република Северна Македонија.

Активностите се одвиваа во духот на унапредување на меѓууниверзитетската соработка и размена на научни и наставни искуства.