Десет студенти од Меѓународен Славјански Универзитет успешно учествуваа во Blended Intensive Programme (BIP) со тема „Developing Projects under European Programmes“, организирана од Великотрновскиот универзитет „Св. св. Кирил и Методиј“ во Велико Трново, Бугарија.

Во рамки на програмата беа вклучени учесници од Македонија, Албанија и Романија, што овозможи создавање меѓународна академска средина насочена кон размена на знаења, искуства и добри практики.

Програмата комбинираше физичка мобилност и онлајн предавања, при што студентите стекнаа практични знаења и вештини за подготовка, развој и управување со проекти во рамки на европските програми. Воедно, тие имаа можност да воспостават нови контакти и да ја прошират својата професионална и академска мрежа.

Дел од оваа мобилност беше и нашиот асс. м-р Марко Бочваров, чиј ангажман придонесе за дополнителна поддршка и унапредување на меѓууниверзитетската соработка.