На денешниот координативен состанок на Ректорската управа на МСУ (во проширен состав) беше донесена одлука за ребрендирање на универзитетот согласно стратегијата за интернационализација МСУ 2025.

Наскоро универзитетот на сите свои канали за комуникација ќе започне да го користи името St. Nicholas International Slavic University, односно Меѓународен Славјански Универзитет Св. Никола. Наскоро сите содржини, како и сите студиски програми ќе бидат достапни претежно на англиски јазик и со тоа брендот останува да биде во чекор со новите светски трендови во високото образование.

Универзитетот има поставено амбициозни цели за раст и развој во наредните неколку години и сите работиме напорно за реализација на зацртаните планови.

На денешниот состанок беше прифатено визуелното решение за новиот грб на МСУ и истото е доставено како предлог до Сенатот на МСУ, со што започнува официјалната постапка за ребрендирање на универзитетот.