Настанот е посветен на 25-годишнината од основањето на Европскиот универзитет на Ерменија, со програма која се одвива од 2 до 5 ноември 2026 година и обединува меѓународни делегации од над 25 европски и азиски земји.

Во рамки на посетата, делегацијата на МСУ оствари средба со проф. д-р Артур Багдасарјан, претседател на Одборот на доверители на Европскиот универзитет на Ерменија и поранешен претседател на Националното собрание на Ерменија.

Делегацијата оствари и обиколка на Европскиот универзитет на Ерменија и неговите придружни членки (детска градинка, основно и средно школо), запознавајќи се со универзитетските простории и академската средина. Првиот ден од програмата беше посветен на состаноци со меѓународните делегации и културна програма.

---

---

Во рамки на форумот, Михаела Ѓорчева ќе има обраќање на тема „Улогата на универзитетите во промовирањето на етичката употреба на вештачката интелигенција за одржливо општество“, како дел од панелот „Образование, етика и европска интеграција“.

Посетата претставува можност за размена на искуства со меѓународни академски партнери и разговори за идни форми на меѓууниверзитетска соработка.

---

---