Меѓународен Славјански Универзитет успешно учествуваше во Blended Intensive Program (BIP) на тема „Social Entrepreneurship from a Regional and International Perspective“, кој се одржа на Универзитетот „Палацки“ во Оломоуц, Чешка.

Во рамки на програмата, студентите од Меѓународен Славјански Универзитет имаа можност да стекнат нови знаења и практични искуства од областа на социјалното претприемништво, разгледувајќи ги регионалните и меѓународните перспективи на оваа значајна тема. Преку интерактивни предавања, работилници и соработка со учесници од повеќе земји, тие ги унапредија своите академски и професионални компетенции.

Учеството на нашите студенти во вакви меѓународни програми уште еднаш ја потврди посветеноста на Меѓународен Славјански Универзитет кон обезбедување современо образование, меѓународна мобилност и активно вклучување во европски академски иницијативи.