Меѓународен Славјански Универзитет успешно го заврши вториот ден од настанот „Денови на психологија,“ кој се одржа во Свети Николе. Централната тема „Грижа за себе“ инспирираше учесници од различни профили, вклучувајќи професионалци, студенти и љубители на психологијата.

Настанот започна со обраќања од домаќините: доц. д-р Милена Спасовска, професор на Факултетот за психологија при МСУ, и Милица Крстиќ, основач на платформата Siguran Prostor / Feel Safe Hub. Тие ја истакнаа важноста на темата и споделија инспиративни зборови за заедничката работа во промоцијата на менталното здравје.

Следеше панел дискусија на која се разговараше за улогата на младите во грижата за сопственото ментално здравје. Учесниците имаа можност да слушнат практични совети од говорниците:

• доц. д-р Милена Спасовска, од Факултетот за психологија при МСУ, европски сертифициран системски и семеен психотерапевт
• Никола Дукоски, лиценциран психолог и Гешталт терапевт
• Наташа Бекирова, лиценциран психолог и семеен терапевт

Модератор на панелот беше Марјан Георгиевски, кој ја водеше дискусијата со интерактивен пристап и вклучување на публиката.

Во вториот дел на програмата следеше обраќање од Милица Крстиќ на тема „Начини на грижа за себе,“ при што таа сподели практични совети и лични искуства за подобрување на менталната благосостојба. Следуваше обраќањето на тема „Љубов и грижа за себе“ на Катарина Чикош Суботиќ, која ги истражи врските помеѓу самопочитта и грижата за себе.

Со богата програма исполнета со дискусии и практични совети, вториот ден од Деновите на психологија во Свети Николе успешно заврши, носејќи нови знаења и инспирација за сите учесници. Меѓународен Славјански Универзитет гордо продолжува да работи на подигнување на свеста за важноста на менталното здравје и грижата за себе.