Претседателот на Управен одбор при МСУ, проф. д-р Јордан Ѓорчев, и Министерот задолжен за интеграција и имплементација на Стратегија за инклузија на Ромите 2022-2030, д-р Шабан Салиу, потпишаа договор за соработка за продолжување на образованието на припадниците на Ромската заедница во Република Северна Македонија.

Днешниот состанок е за продлабочување на веќе постоечката соработка, а со самото стипендирање од страна на универзитетот, се помага на претставниците од Ромската заедница за нивна интеграција и имплементирање на инклузијата.

Меѓународен Славјански Универзитет веќе неколку години наназад доделува стипендии на претставниците од Ромската заедница и се труди квалитетното образование да е еден од најважните сегменти за нив.