Меѓународен Славјански Универзитет годинава ќе биде дел од престижниот Global Education Summit 2024, кој се организира од страна на нашиот партнерски универзитет, Чандигар Универзитетот од Индија. Овој настан се истакнува како платформа за размена на знаења, идеи и искуства меѓу академски лидери од целиот свет.

На самитот ќе учествуваат повеќе од 70 академски лидери од 55 универзитети од над 30 земји. Оваа глобална иницијатива е извонредна можност за нашиот универзитет да ги негува постоечките и да воспостави нови партнерства ширум светот.

Со задоволство објавуваме дека нашиот универзитет ќе има своја официјална презентација на самитот, при што ќе биде одржан говор на тема „Глобална соработка за подобрување на одржливоста преку истражување и иновации“. Оваа презентација ќе биде одлична прилика да ги споделиме нашите досегашни успеси, како и да ги претставиме идните проекти и иницијативи на нашиот универзитет.

Global Education Summit 2024 ќе се одржи од 3 до 5 октомври 2024 година, на кампусот на Чандигар Универзитетот во Индија, кој се простира на повеќе од 100 хектари и е дом на 75.000 студенти.