На 12 октомври 2023 година Меѓународен Славјански Универзитет во Свети Николе беше домаќин на Есенската академија за студенти на докторски студии организирана од страна на Великотрновскиот универзитет „Св. св. Кирил и Методиј“ од Бугарија.

Ментор на студентите на докторски студии беше проф. д-р Јордан Ѓорчев – претседател на Управен одбор при Меѓународен Славјански Универзитет.

Програмата е посветена на професионалната етика во истражувачката дејност на студентите на докторски студии. На Есенската академија учествуваат 17 студенти кои се запишани на докторски студии во Великотрновскиот универзитет „Св. св. Кирил и Методиј“. Покрај предавањата, студентите спроведуваат и самостојни истражувачки активности, како и консултации со професорите.

На академијата како предавачи учествуваат проф. д-р Даниела Тасевска, доц. д-р Владимир Владов и проф. д-р Маријана Николова од Великотрновскиот универзитет „Св. св. Кирил и Методиј“ и доц. д-р Милена Спасовска од Меѓународен Славјански Универзитет.

Есенската академија се финансира во рамките на програмата Еразмус+ како краткорочна мобилност на студенти на докторски студии во траење од една недела.