Во Битола доделена наградата „Державин“

Студенти од Славјански на фестивал на здравјето во Србија
9 октомври 2016
Студентскиот сојуз организираше работилница „Сите сме убави“
14 октомври 2016

Во Битола доделена наградата „Державин“

Во просториите на Меѓународен Славјански Универзитет „Г. Р. Державин“ во Битола на поетот Јован Стрезовски, денес во 12 часот му беше врачена наградата „Державин“, што се доделува за најдобра стихозбирка објавена во периодот од јули 2015 до јули оваа година.

Високото признание Стрезовски го доби за поетската книга „Времено и трајно“.

Одлуката за наградата, што ја доделуваат Друштвото на писателите на Македонија и Славјански едногласно ја донесе комисијата во состав: Иван Чаповски (претседател), Стојан Тарапуза и Паскал Гилевски.

Жирито оценува дека најновото поетско остварување на Јован Стрезовски се одликува со високи естетски дострели кои се вградуваат во ризницата на трајните вредности на македонската литература.

Доајенот на ДПМ, Јован Стрезовски, годинава одбележа 85-годишен животен јубилеј и 60 години творечка дејност. Како поет, раскажувач, романсиер и писател за деца, создаде опус од четириесетина дела.

Беше долгогодишен директор на Струшките вечери на поезијата и претседател на Собранието на ДПМ.

14690842_1336801826330560_5197560003481181246_n 14691147_1336801886330554_1061314058192319743_n 14708212_1336801859663890_8072085164660907649_n 14713582_1336801749663901_3709432489363691729_n 14568046_1336801756330567_1925464113934881244_n 14656383_1336801932997216_2113670824542745624_n