На 22 мај 2023 година во Маyberry Highway во Свети Николе завршија со реализација активностите од Еразмус+ проектот „За да бидам вистински дел од тебе, дај ми и ти дел од себе општество мое“. Носител на проектот е Институтот за култура и уметност при Меѓународен Славјански Универзитет, а активностите во оваа фаза на проектот се одвиваа во три дена. Модератор на настанот беше Марија Саздева, а преведувач на романски јазик беше Габриела Александра Брадеан.

Вториот ден од проектот се состоеше од неколку предавања:

• проф. д-р Јулијана Сиљаноска и м-р Александра Димова на тема „Од денес јас учествувам подеднакво во сите промени и процеси“
• проф. д-р Јагода Митревска на тема „Учество на жената во приватниот и јавниот живот“
• проф. д-р Горица Поповска Налевска на тема „Жената активен чинител во клучниот придонес за одржлив развој на заедницата“
• проф. д-р Слободан Бундалевски на тема „Влијанието на жената врз животната средина: улога и перспектива на улогата“

После предавањата учесниците имаа традиционална вечера, македонските учесници имаа можност да ја вкусат романската кујна, додека романските учесници имаа можност да ја пробаат македонската кујна.

На третиот ден од активностите беа одржани предавања од:

• проф. д-р Слаѓана Ангелкоска на тема „Можеби за Вас сум невидлива, но, јас сум дел од целокупниот општествен развој: човек сум, личност сум, мајка сум, домаќинка сум, животен сопатник сум, општествено одговорна сум, лидер сум – можеби е време да го видите тоа“
• проф. д-р Маријан Стевановски на тема „Жената има еквивалентно место со мажот во современите технолошки модели: дигитализација и нејзиниот развој“

После предавањата сите учесници и предавачи добија сертификати за учество.