Анастасија Ичкова и Анастасија Ѓорѓиева, студентки на Меѓународен Славјански Универзитет, овој семестар го поминуваат во Малта во рамки на програмата Еразмус+.

Студиската мобилност им овозможува да ги прошират своите знаења, да се запознаат со поинаква академска средина и да разменуваат искуства со студенти од различни земји. Покрај академското усовршување, престојот во Малта е можност за запознавање со локалната култура, развивање на јазичните вештини и создавање нови пријателства.

Преку учеството во програмата Еразмус+, студентките стекнуваат искуства што придонесуваат за нивниот личен и професионален развој, поголема самостојност и отвореност кон нови перспективи.

Меѓународен Славјански Универзитет продолжува да ги поддржува студентите во користењето на можностите за меѓународна мобилност. На Анастасија Ичкова и Анастасија Ѓорѓиева им посакуваме успешен семестар и престој исполнет со нови знаења и убави спомени!