Вкупно 18 млади од Здружението на студенти при Меѓународен Славјански Универзитет во моментов се на младинска размена во Романија за Еразмус+ проектот насловен “SOLIDART – Education without borders“.

Младинската размена започна на 24 јули 2021, а ќе трае до 2 август 2021. Организатори на младинската размена се:

• Kreativ Research Association од Романија, координатор на проектот
• Friends of the World Association од Бугарија
• Здружение на студенти при Меѓународен Славјански Универзитет

Целта на оваа младинска размена е да ја подигне свеста за важноста на солидарноста и соработката помеѓу младите со помалку можности кои доаѓаат од земјите од Источна Европа.

Вкупно 45 млади луѓе ќе бидат едуцирани за еднаков пристап до образование, користејќи различни уметнички алатки со цел да се создаде дијалог со носителите на одлуки во областа на образованието.