Во големиот амфитеатар на Меѓународен Славјански Универзитет во Свети Николе се одржа концерт во чест на дваесетгодишнината од формирањето на мандолинскиот оркестар „Св. Николај”. Настанот привлече бројна публика и гости од соседна Бугарија, кои ја збогатија музичката програма со своите настапи. Во преполната сала на универзитетот се чувствуваше вистинска уметничка магија, додека оркестарот и гостите ги изведуваа своите дела.

На настанот Меѓународен Славјански Универзитет доби благодарница за успешната соработка, што претставува значајно признание за поддршката и посветеноста во одржувањето на ваквите културни манифестации. Меѓународен Славјански Универзитет останува посветен на унапредување на културниот живот во заедницата и поддршка на значајни уметнички настани.