На 30-ти октомври беше потпишан договор за соработка помеѓу Меѓународниот Славјански Универзитет „Г. Р. Державин“ и Северно-Кавкаскиот Федерален Универзитет од Ставропол, Русија, кој е еден од деветте федерални универзитети во Русија.

Проф. д-р Ирина Бондар – Русија и проф. д-р Душан Николовски – Славјански Универзитет на потпишувањето на договорот за соработка

Проф. д-р Ирина Бондар – Русија и проф. д-р Душан Николовски – Славјански Универзитет на потпишувањето на договорот за соработка

„Тоа е многу важен договор за Северно-Кавкаскиот Универзитет, затоа што Македонија е словенска земја, а во неа студираат студенти и од други земји. Ние со задоволство ќе ги поддржуваме ваквите односи во иднина и максимално ќе помагаме како во наставата, така и во научните истражувања.“ – изјави проф. д-р Ирина Бондар, декан на Факултетот за услуги, туризам и дизајн при Северно-Кавкаскиот Федерален Универзитет.

Проф. д-р Ирина Бондар – Русија и проф. д-р Душан Николовски – Славјански Универзитет на потпишувањето на договорот за соработка

Проф. д-р Ирина Бондар – Русија и проф. д-р Душан Николовски – Славјански Универзитет на потпишувањето на договорот за соработка

Инаку, федерални универзитети во Русија има само девет, а Северно-Кавкаскиот Универзитет е еден од нив. Денес во Русија има многу универзитети, но акцентот на владата е поставен на федералните, која инвестира многу пари за нивниот развој, пред се во материјално-техничките средства. Универзитетот се состои од 11 институти од кои десет се во Ставропол, а еден се наоѓа во Пјатигорск, а во моментов студираат преку 30 000 студенти, кои не се само Руси, туку според професорката, студентите се од 84 различни националности.

Северно-Кавкаскиот Федерален Универзитет

Северно-Кавкаскиот Федерален Универзитет

Во согласност со договорот за соработка се планира организирање на заеднички конференции од областа на економијата, историјата, инженерските струки, како и размена на студенти во рамките на болоњскиот просес. Професорката изјави дека руските студенти се заинтересирани за доаѓање во Македонија, пред се поради близината на јазиците, со што би се овозможила нивна полесна адаптација. На прашањето дали македонските студенти би имале поволности доколку се одлучат да студираат на Северно-Кавкаскиот Федерален Универзитет, професорката одговори дека во Русија образованието не е бесплатно, но тие би можеле да најдат начин за олеснување на тие трошоци, како сместување во студентски дом и сл.

Професорката Ирина Бондар престојуваше во Македонија една седмица, период за кој таа успеа да ги посети најубавите предели на Македонија, како и најзначајните знаменитости – Охридското Езеро и Свети Наум, Галичица, Широк Сокак, Милениумскиот крст, Скопје 2014… Таа изјави: „ Јас сум првпат во Македонија, по покана на Славјанскиот Универзитет и сум многу среќна што сум овде. Првиот впечаток што го стекнав е гостопримливиот народ. Исто така многу ми се допаѓа тоа што во Македонија има луѓе што зборуваат руски, затоа што порано го изучувале рускиот јазик или се уште го изучуваат. “