Како универзитет имавме големо задоволство да бидеме домаќин на Денови на психологијата – настанот кој обедини студенти на психологија, психолози од повеќе институции во земјава, но и едноставно љубители на психологијата.

Деновите на психологијата се создадени за да можете да видите и научите повеќе за оваа наука, да видите и научите како изгледаат предавањата и практичните работилници на психолозите.

Во денешната програма беа вклучени четири практични и интерактивни работилници кои покриваат повеќе области во психологијата.

Предавачи денес беа:

• проф. д-р Кирил Барбареев, професор на Факултетот за образовни науки при Универзитетот „Гоце Делчев“ – Штип,
• проф. д-р Русанка Манчева и докторанд Симона Николова, од Југозападен универзитет „Неофит Рилски“ Бугарија
• проф. д-р Мирослав Пендароски, професор на Факултетот за психологија при Меѓународен Славјански Универзитет „Г. Р. Державин“ и
• Бојана Стаменковиќ, психолог

За време на кафе паузите посетителите имаа можност да ги збогатат нивните домашни библиотеки со изданија од повеќе издавачки куќи во земјава.

За посета на нашиот настан сите учесници добиваат и сертификат за учество.

А утре ги очекуваме работилниците од:

• проф. д-р Соња Ризоска Јовановска, професор на Факултет за психологија при Меѓународен Славјански Универзитет „Г. Р. Державин“ со работилница на тема „Ајде да проговориме за oна што е присутно со своето неприсуство“ и

• Татјана Алексиќ, професор во СУГС „Раде Јовчевски Корчагин“ – Скопје со работилница на тема „Сексуална интелигенција”.

Се уште не е доцна да се пријавите за утрешниот настан. Пријавете се овде: https://msu.edu.mk/denovinapsihologijata2019/