Официјалната издавачка куќа на Меѓународен Славјански Универзитет „Г. Р. Державин“, Меѓународен Центар за Славјанска Просвета, на 3 ноември во библиотеката на МСУ ја промовираше книгата „Управување и маркетинг на туристичкиот потенцијал во Овчеполската котлина“ од м-р Никола Ристевски. Промоцијата се одржа на 03.11.2021 со почеток од 12:00 часот со физичко присуство пред ограничен број на публика, согласно протоколите.

„Управување и маркетинг на туристичкиот потенцијал во Овчеполската Котлина“ е скратена верзија од магистерскиот труд на Никола Ристевски од 2017 година, дополнета со препораки од 2021 година. Промотори беа деканката на Факултетот за економија и организација на претприемништво при МСУ, проф. д-р Шеќеринка Ивановска; Влатко Сулев, Претседател на NAITM – Национална асоцијација за дојдовен туризам и Домагој Николиќ, од Rochester Institute of Technology во Дубровник, Хрватска.

На настанот беа премиерно прикажани и промотивни видеа за туристичките атракции во Општина Свети Николе подготвени од Продукција Аристон и Ovcepole.mk.