Претставници на Меѓународен Славјански Универзитет присуствуваа на свеченото отворање на Годишните средби на Меѓународниот монетарен фонд и Групацијата Светска банка во Бангкок, Тајланд. Универзитетот го претставуваа Михаела Ѓорчева, заменик-претседател на Управниот одбор, и Иван Спасев, член на Управниот одбор.

На свеченоста присуствуваа високи државни претставници и меѓународни лидери, меѓу кои премиерот на Тајланд, вицепремиерот и министер за финансии, генералната директорка на ММФ, Кристалина Георгиева, и претседателот на Групацијата Светска банка, Аџај Банга.

Овогодинешните средби имаат посебно историско значење: се одбележуваат 80 години од одржувањето на првите Годишни средби во 1946 година, а Тајланд повторно е домаќин на настанот по 35 години. По повод средбите, Министерството за финансии на Тајланд издаде комеморативни монети, кои им беа подарени на учесниците како знак на добредојде и траен спомен од настанот.

Учеството на МСУ на вакви глобални собири овозможува непосреден увид во светските економски и развојни приоритети, размена на идеи и воспоставување контакти со претставници на водечките меѓународни организации. Овие можности се значајни за унапредување на меѓународната соработка и поврзување на високото образование со актуелните општествени и економски предизвици.

Меѓународен Славјански Универзитет изразува благодарност до домаќините од Тајланд за топлото гостопримство и внимателно организираниот пречек.