Меѓународен Славјански Универзитет ќе биде претставен на Годишните средби на Меѓународниот монетарен фонд (ММФ) и Светска банка, кои ќе се одржат од 12 до 18 октомври 2026 година во Бангкок, Тајланд.

Учеството во Бангкок следува по присуството на Меѓународен Славјански Универзитет на Пролетните средби на ММФ и Светска банка во Вашингтон, САД, одржани во текот на 2026 година. Оваа есен, Универзитетот ќе биде претставен од Михаела Ѓорчева, заменик претседател на управен одбор, проф. д-р Јордан Ѓорчев, претседател на управен одбор, и Иван Спасев, член на управен одбор.

Годишните средби на ММФ и Светска банка собираат претставници на влади, меѓународни институции, академската заедница, граѓанското општество и приватниот сектор.

За Меѓународен Славјански Универзитет, учеството на вакви меѓународни форуми претставува можност за следење на актуелните економски и општествени дискусии и за пренесување нови перспективи и искуства во академската заедница во Северна Македонија.