Меѓународен Славјански Универзитет ги поканува сите заинтересирани да бидат дел од Летната школа „Од Јас до Ние: самоспознавање, граници и емоционална свесност за градење здрави односи“, која ќе се одржи од 21 до 23 август 2026 година во прекрасниот амбиент на Mayberry Lake – Претор.

Летната школа е посветена на една од најважните теми во современото општество – градењето здрав однос со себе како основа за квалитетни лични и професионални односи. Во време на брзи промени, зголемени очекувања и секојдневни комуникациски предизвици, самоспознавањето, поставувањето здрави граници и емоционалната свесност претставуваат клучни вештини за личен развој и благосостојба.

Во текот на тридневната програма, учесниците ќе имаат можност да учествуваат во интерактивни предавања, искуствени работилници, групни активности, техники за саморефлексија и практични вежби, преку кои ќе стекнат знаења и алатки што можат веднаш да ги применат во својот секојдневен и професионален живот.

---

---

Теми кои ќе бидат обработени

---

За време на летната школа ќе се истражуваат повеќе значајни прашања, меѓу кои:

• Кој сум јас и како го градиме сопствениот идентитет?
• Како се создаваат и одржуваат здрави интерперсонални односи?
• Каде завршувам јас, а започнува другиот?
• Како да ги препознаеме токсичните релации и нарушените граници?
• Што ни порачува лутината и како да ја користиме како извор на увид и промена?
• Зошто грижата за себе не е себичност, но предуслов за грижа за другите?

Работата ќе се реализира преку современи психолошки пристапи и креативни методи, вклучувајќи употреба на МАК-карти, искуствени техники, дискусии и практични активности насочени кон личен и професионален развој.

---

Предавачи

---

Со своето знаење и искуство ќе учествуваат:

• доц. д-р Елена Златева
• доц. д-р Милена Спасовска
• доц. д-р Весна Алексоска
• доц. д-р Марина Кузмановска
• проф. д-р Слаѓана Анѓелкоска

---

---

За кого е наменета летната школа?

---

Летната школа е наменета за:

• психолози;
• студенти по психологија;
• психотерапевти;
• педагози;
• социјални работници;
• советници;
• едукатори;
• љубители на психологијата;
• сите кои сакаат подобро да се разберат себеси и односите што ги градат со другите.

---

Програма

---

Петок, 21.08.2026

11:00 – 12:00 Регистрација и сместување на учесниците
12:00 – 12:30 Отворање на летната школа, запознавање и поставување групни правила
12:30 – 14:00 МАК-карти во работа со идентитетот, I дел – доц. д-р Елена Златева
14:00 – 15:00 Ручек
15:00 – 16:30 МАК-карти во работа со идентитетот, II дел
16:30 – 17:00 Пауза
17:00 – 20:00 Јас, Ти и Ние во интерперсоналните релации – доц. д-р Милена Спасовска
20:00 Заедничка вечера и неформално дружење

Сабота, 22.08.2026

08:00 – 09:00 Доручек
09:00 – 10:30 Токсични односи и нарушени граници – препознавање и справување, I дел – доц. д-р Весна Алексоска
10:30 – 10:45 Пауза
10:45 – 12:15 Токсични односи и нарушени граници – препознавање и справување, II дел
12:15 – 14:00 Пауза за ручек
14:00 – 15:30 Лутината како сигнал, а не како проблем, I дел – доц. д-р Марина Кузмановска
15:30 – 15:45 Пауза
15:45 – 17:15 Лутината во меѓучовечките односи, II дел
17:15 – 18:00 Рефлексија и затворање на денот
18:00 Вечера

Недела, 23.08.2026

08:00 – 09:00 Доручек
09:00 – 10:30 Грижа за себе и почитување на другиот, I дел – проф. д-р Слаѓана Анѓелкоска
10:30 – 10:45 Пауза
10:45 – 12:00 Грижа за себе и почитување на другиот, II дел
12:00 – 13:00 Интегративна работилница: „Од Јас до Ние“
13:00 Доделување сертификати и затворање на летната школа

По успешно завршување на програмата, сите учесници ќе добијат сертификат за учество.

---

Котизација

---

Котизацијата за учество на Летната школа изнесува 5.500 денари за сместување во двокреветна, трикреветна и четирикреветна соба. За еднокреветна соба цената изнесува 6500 денари. Во цената се вклучени:

• Учество на целокупната тридневна програма;
• Сместување во Mayberry Lake – Претор (2 ноќевања, според избраниот тип на соба и расположливост);
• Полн пансион (појадок, ручек и вечера);
• Работни материјали за учесниците;
• Сертификат за учество.

---

Пријавување

---

Пријавувањето се врши со пополнување на електронскиот формулар за апликација. По успешната пријава, учесниците ќе добијат инструкции за уплата на котизацијата и дополнителни информации поврзани со организацијата на летната школа.