Почитувани,

имаме голема чест да Ве известиме дека од 17-ти до 23-ти декември 2013, во повеќе градови во Македонија ќе се одржи Фестивал на руската култура, чии организатори се Здружението на руски сонародници „Чајка“, Меѓународниот Славјански Универзитет „Г.Р. Державин“ и Тамбовскиот државен универзитет „Г.Р. Державин“. Овој проект е реализиран со финансиска поддршка од Владата на градот Москва.

Свеченото отворање на фестивалот ќе се одржи во големиот амфитеатар при Меѓународниот Славјански Универзитет „Г.Р. Державин“ – Свети Николе, на 17-ти декември, со почеток од 19:00 часот. 

Во рамките на фестивалот ќе се одржат музички и фолклорни настапи, а публиката ќе може да ужива и во делови од руската опера. Ве очекуваме!