Вториот ден на Светскиот економски форум во Давос беше исполнет со инспиративни дискусии и значајни теми кои отворија нови перспективи и идеи за глобалниот развој.

Меѓународен Славјански Универзитет имаше свои претставници на два настани организирани од The Washington Post. На првиот настан гостуваше претседателот на Полска, Анджеј Дуда, кој говореше за актуелни теми како војната во Украина, иднината на НАТО и геополитичките предизвици за Европа.

На вториот настан, познатиот американски бизнисмен Дејвид Рубенштајн дискутираше за значајни прашања поврзани со глобалната економија, вклучувајќи ги клучните трендови и можности што го обликуваат светот денес.

Исто така, посетивме повеќе настани на Future House, иновативна платформа која го истражува влијанието на технологијата и иновациите врз глобалниот развој. Настанот понуди нови перспективи за тоа како иновациите можат да помогнат за справување со предизвиците на иднината.

Ден исполнет со инспирација, идеи и нови можности за соработка. Меѓународен Славјански Универзитет продолжува да биде дел од значајните дискусии во Давос.