Михаела Ѓорчева, докторанд на Универзитетот во Љубљана и член на Управен одбор при Меѓународен Славјански Универзитет, учествуваше на првиот меѓународен истражувачки симпозиум во рамките на Сојузот на кинески и европски бизнис школи – ACE (Alliance of Chinese and European Business Schools), кој се одржа на Универзитетот во Лидс, Англија од 25. до 28. септември 2024 година.

Настанот обедини млади истражувачи од реномирани универзитети како што се Универзитетот во Љубљана (Словенија), Универзитетот во Антверпен (Белгија), Универзитетот Шјиамен (Кина) и домаќинот, Универзитетот во Лидс (Англија). Михаела Ѓорчева го презентираше својот нацрт за истражување на тема „Consumer Expectations and Responses in Value-Related Social Media Storms in the Fashion Industry”.

Настанот беше одлична можност за размена на истражувачки идеи и иницијативи за идни соработки, особено во областите поврзани со економскиот развој, маркетингот и бизнисот. Ваквите настани се витални за создавање на нови можности за заеднички проекти и унапредување на научната мисла во меѓународни рамки.

Помеѓу присутните беа и истакнати научници и експерти од индустријата, кои го споделија своето знаење и искуство со младите истражувачи преку повеќе работилници и предавања.