На Меѓународен Славјански Универзитет се одржа работна средба со Љубиша Каранфиловски, претседател на Самостојниот синдикат за здравство, фармација и социјална заштита на Република Северна Македонија. Средбата помина во конструктивна и пријатна атмосфера, со фокус на можностите за продлабочување на соработката помеѓу двете институции.

Во рамки на средбата беше потпишан договор за соработка со кој се отвораат нови можности и поволности за членовите на синдикатот, особено во делот на пристапот до квалитетно високо образование и професионален развој.

Со ова партнерство, Меѓународен Славјански Универзитет уште еднаш ја потврди својата посветеност кон градење силни институционални врски со релевантни организации и поддршка на професионалците од различни сектори во нивниот образовен и кариерен напредок.

Потпишувањето на договорот претставува значаен чекор кон проширување на соработката со здравствениот и социјалниот сектор, како и создавање нови можности за едукација, развој и заеднички иницијативи во иднина.