Меѓународен Славјански Универзитет продолжува да создава нови партнерства ширум светот. На 2. октомври во Мохали, Индија беше потпишан меморандум за соработка со нашиот најнов партнер од Индија, Група колеџи Чандигар, означувајќи ново поглавје во нашата меѓународна академска соработка.

На потпишувањето во Индија присуствуваа м-р Михаела Ѓорчева и Иван Спасев членови на Управниот одбор на Меѓународен Славјански Универзитет, поставувајќи основа за интензивна соработка за истражувања и мобилност на студенти и кадар.

Партнерството има за цел да отвори нови можности за студентите и академскиот кадар преку заеднички проекти, размена на знаења и пристап до образовни ресурси. Оваа стратешка соработка е важен чекор во интернационализацијата на универзитетот и унапредување на образовните стандарди.