---

Резултати од конкурсот

---

• Прва награда. Илина Иванџикова  – СОУ „Јосиф Јосифовски”, Гевгелија – Во огледалото – слика за нас самите
  • Златна плакета, таблет, МСУ подароци
• Втора награда. Тамара Стојанова – СОУ „Богданци”, Богданци – Животни избори и последици
  • Сребрена плакета, сет за пишување и 5 книги, МСУ подароци
• Трета награда. Бојан Јакимовски – СОУ „Ѓорче Петров”, Крива Паланка – Changes in education create a better life
  • Бронзена плакета, сет за пишување и 3 книги, МСУ подароци

Тимот на Меѓународен Славјански Универзитет ќе ги контактира победниците до 20 јуни 2023 година за испраќање на наградите.

Менторите на сите учесници во конкурсот ќе добијат сертификати. Сите учесници (вклучувајќи и оние кои не победиле) ќе добијат:

• печатен примерок од изданието „Средношколски размислувања 7“
• МСУ подароци
• сертификат за учество на конкурсот

Примероците од изданието „Средношколски размислувања 7“ ќе бидат испратени до крајот на месец август 2023.

Комисијата беше составена од 4 членови:

• проф. д-р Соња Ризоска Јовановска
• м-р Кирил Трајчев
• проф. д-р Катерина Видова
• Татјана Алексиќ

---

Почитувани,

по внимателно разгледување на барањата на средношколците кои пријавија технички проблеми, донесовме одлука да го продолжиме рокот за поднесување на есеите.

Новиот рок за поднесување на есеите е продолжен до 1 јуни 2023 година, до 23:59 часот.

---

Меѓународниот Славјански Универзитет, Институтот за култура и уметност при МСУ и издавачката куќа Меѓународен центар за славјанска просвета – Свети Николе распишуваат

КОНКУРС

за најдобри средношколски есеи на следниве теми:

• Жени лидери – жените во образованието, науката и бизнисот
• Во огледалото: сликата за нас самите
• Иднината на работното место
• Човекот што ми го промени животот
• Што научивме од грешките
• Слободна тема

---

Седма година по ред сме во потрага по оригинални есеи. Искрени, сатирични, духовити, храбри, креативни, интелигентни, емоционални, визионерски… Баш такви есеи какви што сакате да напишете! Есеи што навистина можат да ги отсликаат средношколските размислувања.

Есеите кои ќе пристигнат на конкурсот се објавуваат во печатена публикација „Средношколски размислувања“ и сите учесници ќе добијат примерок од публикацијата.

Насловите на темите се дадени само како насоки за авторот. Може да давате аргументи за и против, може да се согласувате и да не се согласувате со дадените теми. Во оформување на идејата (и колку апстрактна таа ќе биде) можете да имате целосна слобода. Важно е да се чувствувате слободни и сигурни во тоа што го пишувате.

---

---

1. Кој може да се пријави?

---

На конкурсот можат да учествуваат сите средношколци од Република Северна Македонија.

---

2. Кои услови треба да ги исполнува есејот?

---

Есејот треба да биде напишан на македонски, албански или англиски јазик и да ги исполнува следниве услови:

• да биде напишан на една од дадените теми
• да биде подготвен како MS Office Word документ (.doc или .docx) – А4 формат
• да не надминува 700 зборови
• фонт Times New Roman (со македонска/кирилична поддршка за есеите на македонски јазик);
• маргини: лево, десно, горе и долу по 20 mm
• да не биде навредлив кон ниту една етничка заедница, ниту смее да содржи говор на омраза базирано на раса, религија или пол

---

4. До кога најдоцна треба да се испратат материјалите?

---

Конкурсот ќе трае од 20 март до 1 јуни 2023 година (рокот е продолжен, претходно беше до 18 мај), до 23:59 часот. Материјалите доставени после наведениот рок нема да бидат земени предвид.

---

5. Каде се испраќаат материјалите?

---

Есеите можете да ги прикачите во електронската пријава која е дадена подолу на оваа страница.  

---

6. Награди

---

Предвидени се специјални награди за

• Прво место: Златна плакета, таблет, МСУ подароци.
• Второ место: Сребрена плакета, сет за пишување и 5 книги, МСУ подароци.
• Трето место: Бронзена плакета, сет за пишување и 3 книги, МСУ подароци.

За сите останати учесници ќе бидат подготвени подароци и сертификати за учество на конкурсот.

---

7. Критериуми

---

Важно е есејот да ги задоволува техничките барања кои се наведени во конкурсот. Ова ќе биде првата фаза на оценување.

Сите есеи што ќе ја поминат првата фаза ќе бидат оценувани од страна на комисијата според следниве критериуми:

• оригиналност, иновативност
• стил и начин на изразување
• добро организиран есеј со соодветна содржина и структура
• разбирање на темата за која се пишува
• јасна цел, добро аргументирање и конкретни примери
• граматика и интерпункција

Организаторот ги задржува правата да го направи изборот на есеи кои ќе бидат објавени во збирката.

---

8. Објавување на резултатите

---

Резултатите ќе бидат објавени на оваа страница на 10 јуни 2023, најдоцна до 15:00 часот.

---

9. Промоција на збирката

---

Промоцијата на публикацијата насловена „Средношколски размислувања 7“ ќе се одржи на 23-ти мај во 12:00 часот.

---

---

Имате прашања?

---

За дополнителни прашања обратете ни се на следнава електронска адреса: esei@msu.edu.mk.

---

Апликација за пријавување

---

Формата е затворена и не може да се испраќаат повеќе апликации.