- Контакт инфо:
- +389 32 440 330
- +389 47 222 503
- info@msu.edu.mk
Конкурс за награда „Державин“ – 2017
Едукативно – стручен собир за ветеринари во Св. Николе
16 јуни 2017
Нашиот професор Марјан Николов е назначен за амбасадор на Regional Studies Association (RSA) за Македонија
5 јули 2017
Поетот Василе Димески е добитник на наградата „Державин“ за 2017 година
Одлуката за наградата, што ја доделуваат Друштвото на писателите на Македонија и Славјанскиот универзитет „Гаврило Романович Державин“ од Свети Николе, едногласно ја донесе комисијата во состав: Иван Чаповски (претседател), Стојан Тарапуза и Паскал Гилевски.
Жирито оценува дека новата поетска книга на Василе Димески се одликува со кохерентност и постапност во развивањето на епската слика, со што во својата интегралност таа се прима како поема со тревожни акценти на соочувањето со драмата на постоењето и подвигот да се остане над таквата ситуација.
„Стихозбирката ’Ноќва душава си ја изедов‘ од Василе Димески освојува со својата енергија и импулсивност, со свежината на кажувањето и со својата оригиналност како поетски проект. Станува збор за книга мудра, длабока и едноставна“, стои во одлуката за доделување на наградата „Державин“.
Свеченото врачување на наградата „Державин“ на Василе Димески ќе се одржи во Битола на 13 октомври, во 19:00 часот, во организација на ДПМ и на Славјанскиот универзитет „Гаврило Романович Державин“, кој е донатор на паричниот износ за ова признание.
Василе Димески, годинава одбележа 70-годишен животен јубилеј и 50 години творечка дејност. Автор е на 14 поетски книги, кои имаат свое место во поновите текови на современата македонска поезија. Живее и создава во Прилеп, соопшти Друштвото на писателите на Македонија.
Конкурс – 2017
И годинава заедно со Друштвото на писателите на Македонија го распишуваме конкурсот за наградата „Державин“ за поетска книга која со своите содржински специфики и естетски вредности успешно се вградува во новите развојни процеси на македонската литература.
Наградата, што го носи името на Гаврило Романович Державин, е востановена минатата година со парична донација од Меѓународен Славјански Универзитет „Г. Р. Державин“, по повод 70-годишнината од формирањето на ДПМ. Прв добитник на ова признание беше поетот Јован Стрезовски.
Наградата „Державин“ се доделува секоја година за нови поетски остварувања на членовите на македонската писателска асоцијација објавени во последните 12 месеци, заклучно со август. Издавачите или авторите што ќе конкурираат за наградата, книгите треба да ги достават до ДПМ, во по четири примероци, најдоцна до 5 септември.
Одлуката за наградата ќе ја донесе тричлено жири составено од истакнати критичари, есеисти и поети. Свеченото предавање на признанието ќе се одржи во почетокот на октомври на МСУ. На свеченоста ќе гостува поетскиот караван на ДПМ со учество на 20 поети од различни генерации.
