„Silk Road“ International University of Tourism and Cultural Heritage од Самарканд, Узбекистан, во соработка со Меѓународен Славјански Универзитет нуди две целосно финансирани стипендии за магистерски студии, со почеток на наставата во октомври 2026 година.

Заинтересираните кандидати имаат можност да аплицираат за студии во областите поврзани со туризмот, културното наследство, угостителството, одржливиот развој и сродни дисциплини, во меѓународна академска средина во Самарканд.

За „Silk Road“ International University of Tourism and Cultural Heritage

„Silk Road“ International University of Tourism and Cultural Heritage е основан во 2018 година, по иницијатива на претседателот на Република Узбекистан, Шавкат Мирзијоев.

Универзитетот се наоѓа во историскиот град Самарканд, во срцето на древниот Пат на свилата. Тој функционира како меѓународна платформа за образование, истражување и соработка во областите на туризмот, угостителството, културното наследство, музеологијата и сродните дисциплини.

Локацијата во Самарканд им овозможува на студентите да студираат во средина со богато културно и историско наследство, особено релевантна за областите поврзани со туризмот и заштитата и проучувањето на културното наследство.

Достапни програми

Достапни студиски програми:

• Менаџмент;
• Економија;
• Туризам и угостителство;
• Археологија;
• Логистика;
• Музеологија, конзервација, реставрација и зачувување на објекти од културното наследство;

Што опфаќа стипендијата?

Програмата за стипендии предвидува:

• целосно покривање на школарината;
• месечна стипендија во износ од 500 долари;
• еднократен повратен авионски билет во економска класа;
• надомест за сместување во износ од 100 долари месечно;
• годишна образовна екскурзија низ Узбекистан во вредност од 200 долари.

Стипендијата е наменета за меѓународни кандидати заинтересирани за образование во областите на туризмот, културното наследство, угостителството, одржливиот развој и сродни области.

Рок за аплицирање

Крајниот рок за поднесување апликации е 30 август 2026 година, а почетокот на наставата е планиран за октомври 2026 година.

Заинтересираните кандидати можат да аплицираат преку формуларот на Меѓународен Славјански Универзитет:

Апликацијата е затворена. 

За дополнителни информации во врска со условите за прием, студиските програми и постапката за аплицирање, кандидатите можат да се обратат до Global Education Department на i.kadirova@univ-silkroad.uz или на следниов линк.