Меѓународен Славјански Универзитет и Синдикална организација АД ЕЛЕМ – Синдикална подружница на РЕК „Битола“ денес потпишаа договор со кој се отвораат нови можности за образование и професионален развој на вработените во РЕК „Битола“ и членовите на нивните најтесни семејства.

Договорот го потпишаа проф. д-р Јордан Ѓорчев, претседател на Управниот одбор на Меѓународен Славјански Универзитет, и Васко Перчаковски, претседател на Синдикалната подружница на РЕК „Битола“.

Со соработката се обезбедуваат посебни корпоративни поволности за студирање на сите факултети и студиски циклуси на МСУ, вклучувајќи поволности во условите за студирање и плаќањето на школарината.

Голем број вработени во РЕК „Битола“ и членови на нивните семејства веќе се дел од академската заедница на МСУ, а со денешниот договор оваа соработка дополнително се зацврстува и официјализира.

Веруваме дека партнерствата меѓу универзитетите и стопанството создаваат реални можности за луѓето да продолжат да учат, да напредуваат и да инвестираат во својата иднина. Образованието е инвестиција која секогаш се враќа.