На 23 април 2025 година во просториите на Меѓународен Славјански Универзитет во Свети Николе се одржа стручна работилница посветена на темата „Музикотерапијата како современа иновативна алатка“. Настанот беше наменет за студентите од прв и втор циклус на студии при Факултетот за психологија, со цел да им се овозможи подлабоко разбирање и практична примена на музиката како терапевтски метод.

Работилницата беше структуирана во два дела – едукативно предавање и практична сесија – со што студентите имаа можност да се запознаат со научната основа, техниките и ефектите од музикотерапијата.

Предавач на работилницата беше проф. д-р Томислав Таневски, признат експерт во оваа област, кој преку интерактивен пристап ја доближи темата до присутните и сподели конкретни примери од својата професионална пракса.

Благодариме на сите учесници за активното учество и интересот, а на проф. Таневски за инспиративното излагање.