Задоволни лица на присутните, аплаузи за предавачите Вангелица Маџунова Гаврилова и Стојан Андонов, како и изјави за поскоро наредно видување, беше крајниот исход од работилницата на тема „Менталното здравје и младите” што се одржа во големата сала на Општина Штип, а во организација на Здружението “Цивитас”, Меѓународниот Славјански Универзитет „Г.Р. Державин“ и Локалниот Совет на млади на Општина Штип. Учествуваа студенти од додипломски и последипломски студии при Универзитетот „Гоце Делчев” од факултетите за медицински науки, образовни науки, од факултетот за економија, како и студенти од Меѓународниот Славјански Универзитет „Г.Р.Державин“ и истите се здобија со сертификати за учество.