Меѓународен Славјански Универзитет е домаќин на проф. Нигар Тугбагул Алтан Гулгун од Одделот за компјутерско инженерство при Факултетот за инженерство и природни науки на Универзитетот Окан од Турција. Нејзиниот престој се реализира во рамки на програмата Еразмус+, во периодот од 24 до 30 октомври 2026 година, на кампусот во Свети Николе.

Во рамки на мобилноста, професорката е пристигната и веќе започна да одржува предавања за студентите на МСУ, кои ќе имаат можност да се запознаат со нови академски перспективи и да ги прошират своите знаења од областа на компјутерското инженерство.

Со ова гостување се доближува можноста за размена на знаења, искуства и наставни практики, како и за продлабочување на академската соработка меѓу двете институции.

Преку програмата Еразмус+, МСУ продолжува да ја збогатува меѓународната димензија на наставата и да создава можности за поврзување на студентите и академскиот кадар со колеги од странство.