Проф. д-р Васко Стамевски, проректор за меѓународна соработка на Меѓународен Славјански Универзитет, реализираше студиски престој на неколку универзитети во Словачка и Полска, во периодот од 2. јуни до 11. јуни 2024 година.

За време на престојот, проф. д-р Стамевски го посети Универзитeтот „Матеј Бел“ во Банска Бистрица, Словачка и оствари средба со проф. д-р Растислав Казански, раководител на Катедрата за безбедносни студии на Факултетот за политички науки и меѓународни односи. Беше разговарано за идна соработка и размена на наставен кадар, студенти и професионални искуства. Дополнително, проф. д-р Стамевски го посети и  Универзитетот „Константин Филозоф“ во Нитра, Словачка, како дел од CEEPUS програмата.

Проректорот проф. д-р Васко Стамевски неколку дена престојуваше на Универзитетот за јавна и индивидуална безбедност „Апеирон“ во Краков, Полска,  каде што се сретна со Ректорот на универзитетот, проф. д-р Јулиус Пивоварски. Во рамките на оваа средба е потпишан Договор за соработка, во кој се нотирани можностите од воспоставување на заеднички студиски програми и разни други форми на соработка, како и мобилност на наставен кадар и студенти преку програмата Еразмус+.