Ректорот на Меѓународен Славјански Универзитет, проф. д-р Васко Стамевски, беше номиниран за титулата Doctor Honoris Causa од University of Public and Individual Security „Apeiron“ од Краков, Полска.

Номинацијата беше доделена како признание за неговите академски достигнувања, придонесот во развојот на безбедносните науки, академската извонредност и меѓународната соработка.

Свечената церемонија за доделување на почесните докторати се одржа на 7 мај 2026 година во хотелот Hilton Garden Inn Kraków, во рамки на XXII Security Forum Kraków 2026, кој се одржа од 7 до 9 мај 2026 година во Краков, Полска.

Форумот беше организиран под темата:
„Science Vectors – Current Various Turbulences in the Security Environments of Nations and Their States“, а на истиот учествуваа повеќе од 50 експерти, теоретичари и практичари од областа на безбедноста и безбедносните науки.

Во рамки на форумот, проф. д-р Васко Стамевски имаше излагање на тема:
„The impact of the Middle East Crisis on the N. Macedonia – Political, Economic and Security implications“.

За време на посетата, проф. д-р Васко Стамевски на организаторот на форумот и ректор, проф. д-р Јулиус Пивоварски, му подари уметничка слика, дело на проф. д-р Јордан Ѓорчев, претседател на Управниот одбор на Меѓународен Славјански Универзитет.

На форумот беа разгледувани актуелни прашања поврзани со современите безбедносни предизвици, турбуленциите во безбедносните средини на државите и улогата на научните истражувања во анализата и разбирањето на безбедносните процеси.

На настанот учествуваа универзитетски професори, истражувачи, теоретичари и практичари од повеќе држави, кои дискутираа за различни аспекти од безбедносните науки, меѓународната соработка и современите глобални предизвици.

Номинацијата за титулата Doctor Honoris Causa беше објавена од Сенатот на University of Public and Individual Security „Apeiron“ – Краков, со што проф. д-р Васко Стамевски беше вклучен меѓу академските личности чии достигнувања беа истакнати во рамки на форумот.