Продолжија предавањата и останатите активности предвидени во краткотрајниот интензивен курс “Global Perspectives on Inclusive Education: Strategies for Building Diverse and Equitable Learning Environments” кој се одржува во рамки на Еразмус+ програмата. Курсот се одржува во Mayberry Highway во Свети Николе и во Mayberry Lake во Претор.

Во наредните денови од програмата предавачи беа доц. д-р Милена Спасовска од Факултетот за психологија при Меѓународен Славјански Универзитет; м-р Билјана Маноилова Филипова, одделенски наставник во ОУ „Ванчо Прке“ – Штип; доц. д-р Горанчо Јакимов, директор на ОУ „Рајко Жинзифов“ – Скопје и Тоше Зафиров, спортски психолог.

Организатор и домаќин на курсот е Меѓународен Славјански Универзитет, а партнери во проектот се Универзитетот Аксарај од Турција, Великотрновскиот универзитет „Св. св. Кирил и Методиј“ од Велико Трново, Бугарија и Високата школа за безбедност и економика (ВУСИ) од Пловдив, Бугарија. Краткотрајниот интензивен курс е наменет за вработени во високообразовните институции и се одржува со физичко присуство во Свети Николе и Претор, но вклучена е и задолжителна виртуелна компонента.