Втора година по ред настанот „Денови на психологијата на МСУ“ се одржа целосно онлајн преку платформата Zoom и беше бесплатен за сите учесници. „Деновите на психологијата на МСУ“ се организираат по иницијатива на доц. д-р Ана Чучкова. На настанот кој ќе се одржува во два дена има пријавено околу 2500 учесници, а на првиот ден учество земаа над 800 учесници. На секое од предавањата имаше во просек по приближно 500 учесници – студенти, наставници, професори, психолози, љубители на психологијата…

Програмата на настанот е распоредена во два дена:

• 27 ноември (сабота): од 10:00 до 18:30.
• 28 ноември (недела): од 17:00 до 21:30.

Во недела продолжуваме во 17:00 часот со нови теми и тројца предавачи. Во прилог е линкот за вториот ден.

Денови на психологија се нашиот најголем онлајн настан и им се заблагодаруваме на сите учесници кои помогнаа да се создаде вистинската атмосфера за споделување на знаења, идеи, ставови. Денешниот настан се состоеше од трибина и од 4 предавања. Се дискутираше на повеќе теми од областа на психологијата.

На трибината на тема „Преиспитување на личниот концепт за доброто и лошото во време на кризи“. На трибината учествуваа:

• доц. д-р Ана Чучкова
• проф. д-р Мирослав Пендароски
• проф. д-р Соња Ризоска Јовановска
• м-р Атанас Иваноски
• м-р Марија Младеновска Димитровска
• дипл. психолог Иван Георгиев

1. М-р Атанас Иваноски зборуваше на тема „Самопочит и безусловно прифаќање на себеси, другите и светот“.

2. Доц. д-р Атанас Кирјаковски говореше на тема „Умот во ерата на дигиталните медиуми“.

3. Марија Младеновска Димитровска зборуваше на тема „Психолошко советување и психотерапија – сличности и разлики“.

4. Проф. д-р Мирослав Пендароски зборуваше за „Метод на линија на помал отпор во работа со соништа“.

На паузите имавме онлајн библиотека – аудио верзии на книги од нашата издавачка куќа, Меѓународен центар за славјанска просвета со актерот Марјан Ѓорѓиевски. Имавме и Инстаграм giveaway за учесниците кои споделија приказна (story) на Инстаграм. Добитниците ќе бидат објавени во понеделник..

Како што беше најавено, сите учесници ќе добијат електронски сертификати за учество за секој ден посебно.