Меѓународен Славјански Универзитет потпиша договори за соработка со Синдикатот на работниците од угостителство, туризмот, комунално-станбеното стопанство, занаетчиството и заштитните друштва на Република Северна Македонија – СУТКОЗ Скопје и со Синдикалната организација на самостојниот синдикат на ФПИОМ – Скопје.

Договорите ги потпиша проф. д-р Јордан Ѓорчев, претседател на Управниот одбор на Меѓународен Славјански Универзитет, со Стојанче Кашиковски, претседател на СУТКОЗ Скопје и со Билјана Цветковска, претседател на Синдикалната организација на самостојниот синдикат на ФПИОМ – Скопје.

Со потпишаните договори се воспоставува соработка која на членовите на двете синдикални организации им овозможува користење поволности за студирање на факултетите и студиските циклуси што се реализираат на Меѓународен Славјански Универзитет.

Покрај поволностите поврзани со студирањето, договорите предвидуваат и можности за заедничко организирање обуки, активности за членовите и студентите, конференции, настани, едукативни содржини, семинари, работилници, предавања и истражувања.

Соработката отвора можности за реализација на нови заеднички активности, едукативни содржини и иницијативи во наредниот период.