Во периодот од 13 до 15 јули 2026 година, Меѓународен Славјански Универзитет е домаќин на Мурат Еџевит од Универзитетот Окан од Република Турција, кој престојува во рамки на програмата Еразмус+ за мобилност за обука.

Во текот на посетата, гостинот оствари работни средби со вработените од Канцеларијата за меѓународни односи при Меѓународен Славјански Универзитет, при што беа разменети искуства, добри практики и идеи за понатамошно унапредување на меѓународната соработка и активностите во рамки на програмата Еразмус+.

Посетата претставува дел од активностите предвидени со програмата за мобилност за обука, која овозможува стекнување нови знаења, размена на добри практики и јакнење на професионалните контакти меѓу високообразовните институции.